Gweithredwch Nawr! Rheoli Tybaco ar gyfer y Dyfodol
Mae ASH Cymru'n cynnal cynhadledd arloesol ar Reoli Tybaco ym mis Ebrill 2008.
Gwneud tybaco'n annymunol, yn annerbyniol ac yn anodd cael gafael arno
Llywio trwy'r wefan
Siaradwyr yn y Gynhadledd
Deborah Arnott
Deborah Arnott yw Cyfarwyddwraig Gweithredu ar Ysmygu ac Iechyd yn Lloegr – elusen iechyd cyhoeddus sy'n adnabyddus am fod yn un o'r elusennau ymgyrchu mwyaf effeithiol yn y Deyrnas Gyfunol ac sydd ar flaen y frwydr i ddiogelu pobl rhag effeithiau niweidiol tybaco. Hi a arweiniodd yr ymgyrch lwyddiannus ddiweddar dros gael deddfwriaeth gynhwysfawr yn San Steffan yn erbyn ysmygu. Bu'n flaenllaw hefyd wrth sicrhau bod y Llywodraeth yn cadw at ei haddewid i wahardd hysbysebu tybaco. Mae'n aelod o'r Grŵp Ymgynghorol ar Dybaco yng Ngholeg Brenhinol y Meddygon ac o Grŵp Datblygu Rhaglenni'r Athrofa Genedlaethol er Rhagoriaeth Feddygol (NICE), sy'n paratoi canllawiau ynglŷn â'r dulliau gorau o ddarparu gwasanaethau rhoi'r gorau i ysmygu mewn rhaglenni iechyd cyhoeddus.