Gweithredwch Nawr! Rheoli Tybaco ar gyfer y Dyfodol

Siaradwyr yn y Gynhadledd

Ms Norma Cronin

Mae gan Norma Cronin gymwysterau fel Nyrs Gyffredinol yn Iwerddon a Diploma Uwch mewn Nyrsio Iechyd Cyhoeddus. Mae'n gweithio ym maes hybu iechyd ac atal canser i Gymdeithas Ganser Iwerddon ers pymtheng mlynedd. Yn ei swydd bresennol fel Rheolwraig Hyrwyddo Iechyd, hi sy'n gyfrifol am weithgareddau gwrth-dybaco'r gymdeithas honno. Cydweithiodd â'r asiantaethau perthnasol i sicrhau bod deddfwriaeth Iwerddon i rwystro ysmygu yn y gweithle yn cael ei gweithredu ac mae hi wedi teithio'r byd i gyflwyno hanes y fenter arloesol hon. Bu'n siaradwraig sesiwn llawn yn nghynhadledd UICC 2004 i sefydliadau canser, trydedd gynhadledd atal tybaco Awstralia yn 2005 a'r drydedd gynhadledd ar ddeg a drefnwyd gan WCTOH yn 2006 ar destun 'tybaco neu iechyd'.

Norma a sefydlodd Quitline cenedlaethol Iwerddon, sef un o weithgareddau Cymdeithas Ganser Iwerddon ar y cyd â'r Gwasanaeth Iechyd, a hi sy'n ei rheoli. Mae'n aelod o nifer o bwyllgorau cenedlaethol a rhyngwladol, gan gynnwys Pwyllgor Llywio Rhwydwaith Quitlines Ewrop (ENQ) a Bwrdd Ymgynghorol Rhwydwaith Ryngwladol Menywod a Thybaco (INWAT). Mae hefyd yn aelod o fwrdd ASH Iwerddon a Rhwydwaith Pobl Ifainc a Thybaco Ewrop (ENYPAT).